SHIFRAT: 40.6 milionë euro fituesi, 29 milionë euro vendi i dytë, sot finalja e madhe e Kupës së Botës

Përfundon sot në Katar Kupa e 22-të e Botës FIFA, me Francën dhe Argjentinën që luftojnë për trofeun e tyre të tretë.

Brazili ka fituar më së shumti në histori (5), i ndjekur nga Gjermania (4) dhe Italia (4).

Si Franca ashtu edhe Argjentina e kanë fituar trofeun një herë në tokën vendase: më 1978, Argjentina dhe 1998 Franca.

Franca dëshiron të bëhet skuadra e parë pas Brazilit (1958,1962) që do të fitojë 2 tituj radhazi.

Në fazën e grupeve francezët u mundën nga Tunizia në një “ndeshje indiferente” të ditës së tretë, ndërsa kishin mundur Danimarkën dhe Australinë.

Vlen të theksohet se Franca ka pësuar gola në 5 nga 6 ndeshjet e saj në turne.

Argjentina po kërkon të bëhet skuadra e parë që nga 2010 që humbet në ndeshjen e parë, por fiton Botërorin. Arabia Saudite bëri surprizën e madhe në Katar dhe triumfoi 2-1 me skuadrën e Lionel Messit.

Në vitin 1990, skuadra e Diego Maradonës kishte humbur sërish në premierën në San Siro me Kamerunin dhe arriti në finale, ku u mposht 1-0 nga Gjermania Perëndimore.

Deschamps, trajneri 54-vjeçar i Francës, si lojtar drejtoi Marsejën në vitin 1993, e cila është e vetmja skuadër franceze që ka fituar Ligën e Kampionëve.

Në vitin 1998, trikolorët fituan Kupën e Botës së parë dhe Deschamps ishte kapiten. Në vitin 2000 ata fituan Euron e tyre të dytë dhe ai ishte përsëri kapiten. Në vitin 2016, ai udhëhoqi Francën në finalen e Euros si trajner dhe në 2018 fitoi Kupën e Botës!

Në vitin 2021, ai fitoi Ligën e Kombeve të parë me Francën.

Rivali i tij i sotëm, Scaloni mund të jetë lindur dhe rritur në Argjentinë, por ai ka pasur një karrierë si futbollist në Evropë.

Ish-mbrojtësi luajti me La Coruña dhe Lacio ndërsa me West Ham shijoi gëzimin e pjesëmarrjes në Premier League.

Me La Coruña ai pati ecuri të shkëlqyer në Evropë dhe fitoi La Liga gjithashtu. Në vitin 2016 ai filloi karrierën e tij si trajner-asistent në Sevilla dhe në vitin 2018 mori përsipër kombëtaren e Argjentinës.

44-vjeçari udhëhoqi skuadrën e Lionel Messit në 2021 për të fituar Kupën e Amerikës për herë të parë që nga viti 1993.

Beteja për Këpucën e Artë

Pas finales së Kupës së Botës do të njohim edhe golashënuesin më të mirë të turneut. Para ndeshjes së madhe në krye të tabelës përkatëse janë Lionel Messi dhe Kylian Mbappé me 5 gola.

Ata janë bashkëlojtarë te Paris Saint-Germain por rivalë me kombëtaret e tyre.

Pasohen nga Olivier Giroud dhe Julián Alvarez me 4 gola.

1. Lionel Messi (Argjentinë) 5
2. Kylian Mbappe (Francë) 5
3. Olivier Giroud (Francë) 4
4. Julián Alvarez (Argjentinë) 4

Shuma prej 40 mln e 600.000 euro do të merret nga fituesi

FIFA ka rritur me 10% të ardhurat krahasuar deri në vitin 2018 në paratë e çmimeve të 32 skuadrave në Botërorin 2022. Pra skuadrat do të ndajnë 425 milionë euro këtë vit, ndërsa në 2018 kanë marrë 386 mln euro.

Skuadra që fiton kupën do të arkëtojë 40.600.000 euro dhe humbësi i finales do të marrë 29.000.000 euro, të tjerat do ndahen për pjesëmarrësit sipas shkallës së suksesit.

j.l./ dita