Kurorëzohet Mbreti Charles III dhe gruaja e tij Camila.
Mbreti Charles III është kurorëzuar në Westminster Abbey nga kryepeshkopi i Canterbury, Justin Welby.
Kryepeshkopi vendosi kurorën 360-vjeçare të Shën Eduardit në kokën e monarkut përpara se të shpallte: “Zoti ruaj Mbretin!”
“Mbreti i mbretërve dhe zot i zotërve, bekoje, të lutemi, këtë kurorë, dhe kështu shenjtëro shërbëtorin tënd”- tha mes të tjerash Welby.
Një sërë udhëheqësish fetarë, duke përfshirë Vincent Nichols, Kryepeshkopi Kardinal Katolik i Westminsterit, kanë ofruar një sërë lutjesh dhe urimesh për mbretin. Përfshirja e një prifti katolik është domethënëse pasi një pjesë e madhe e betimit të kurorëzimit është shkruar rreth mbështetjes së besimit protestant pas përçarjes së Henry VIII me Romën dhe ndarjes fetare që pasoi në Angli dhe më gjerë që pasoi.
Në ceremoni morën pjesë 100 krerë shtetesh, mbretër dhe mbretëresha nga e gjithë bota, të famshëm dhe familjarë e miq të Mbretit.
Monarku tani do të shoqërohet në fronin e tij në teatrin e kurorëzimit.
Para se të kurorëzohej, mbreti u vajos me vaj të shenjtë përpara se të vishte rrobat e kurorëzimit.
Ai kishte veshur një mantel të kuq të thellë, të cilin më parë e kishte veshur gjyshi i tij, Mbreti George VI.
Anëtarë të lartë të familjes mbretërore ishin në mesin e më shumë se 2,000 të ftuarve, me Princin dhe Princeshën e Uellsit në rreshtin e parë me fëmijët e tyre Princeshën Charlotte dhe Princin Louis.
