Kryeministri i Kosovës, Albin Kurti deklaroi se ditën e nesërme, të enjten do të bëhet betimi i kryetarëve të rinj në tre komunat në veri të Kosovës, Zubin Potok, Leposaviç dhe Zveçan.
Gjatë fjalës së tij, në mbledhjen e qeverisë, Kurti u shpreh se rocesi i betimit të kryetarëve në veri të vendit është normal pas mbajtjes së zgjedhjeve.
“Dje u bë një muaj prej mbajtjes së zgjedhjeve në komuna veriore në veri, atë të Mitrovicës së veriut, Zubin Potokut, Leposaviçit dhe Zveçanit. Nuk pati asnjë incident, ishin të qeta dhe paqësore. Trysnia, linçimet dhe shantazhi i nga Beogradi zyrtar ndikoi drejtpërdrejt në daljen e ulët të qytetarëve tanë në këto zgjedhje.
Vota e munguar ishte mungesë e vullnetit të lirë e jo shprehje e vullnetit politik. Fushata të tilla kërcënuese të Beogradit zyrtar ndaj serbëve lokal, veçanërisht në katër komuna në veri janë të shpeshta dhe të vazhdueshme. Por, vetëm pse diçka ndodh shpesh dhe vazhdimisht nuk do të thotë që është normale dhe e pranueshme”, theksoi ai.
j.l./ dita
