Altin Dumani është drejt ikjes si kryeprokuror i SPAK. Këshilli i Lartë i Prokurorisë do të mblidhet sot në 09:00 për të përzgjedhur pasuesin e tij.
Mbledhja për kreun e ri të SPAK do të jetë e hapur për mediat dhe të pranishëm do jenë dhe përfaqësuesve nga Prokurori i Përgjithshëm, Ministria e Drejtësisë, Projekti Eu4Justice dhe Programi OPDAT.
4 janë kandidatët që kanë aplikuar për tu përzgjedhur si drejtues të SPAK: Elvin Gogaj, Adnand Xholi, Doloreza Musabelliu dhe Klodian Braho. Për herë të parë një grua kandidon për drejtuese të SPAK.
Të 4 kandidatët do të paraqesin para anëtarëve të KLP platformat e tyre për drejtimin e SPAK dhe më pas do të votohet për emrin që do të drejtojë SPAK.
Një ditë para mbledhjes së SPAK, SHBA vlerësoi punën e Altin Dumanit pas një takimi të zyrtarit të DASH, Zv.drejtori për Çështjet e Europës Perëndimore Qendrore, Lyn Debevoise. SHBA vlerësoi ka theksuar se Dumani vendosi standardin e bashkëpunimit mes dy vendeve.
Ndërkohë, delegacioni i BE në Tiranë dhe ambasada e Britanisë së Madhe bënë thirrje që gara të zhvillohet në mënyrë të drejtë dhe transparente, ndërsa mesazhi i tyre ishte për të përzgjedhur një kandidat i pavarur, profesionist dhe i përkushtuar ndaj standardeve më të mira të BE-së”.
o.p. / dita
Poza e paraqet si servil, si gëzim i shërbëtorit që takon padronin. I ka hak lëvdatat që i bëhen nga miqtë tanë.
Perkrahje pa fund SPAK.Keto 6 vjet misheroi Deshiren e popullit te vjedhur per NDESHKIMIN E HAJDUTEVE SHTETERORE pa dallim feje krahine ideje,tabele politike,Altin Dumani eshte Shembelltyra.ndiqni rrugen e Dumanit!
Nder Ato personalitete qe nderoi kryeministri,i pari duhet te ishte Dumani