Ish-kryetari i Këshillit të Qarkut të Kukësit, Abedin Oruçi akuzohet se ka paguar Alma K për videon e skandalit seksual në zyrën e kryebashkiakut Safet Gjici.
Oruçi është shumë i njohur në Kukës jo vetëm për postet politike që ka mbajtur në nivel lokal, por edhe sepse ka një skedë të pasur të përplasjeve me organet e rendit dhe ato gjyqësore.
Ai ka një histori konflikti me Safet Gjicin. Në janar 2021 efektivët e komisariatit shkuan për ta shoqëruar për shkak se ishte shpallur në kërkim pas një sherri me kryetarin e bashkisë Gjici për taksat vendore të hotelit dhe ndërtim të paligjshëm.
Por Oruçi i ka kundërshtuar policët duke u drejtuar armën, por nuk ka qëlluar. Në debat e sipër ai, lëndoi një prej tyre dhe mundi t’u shpëtojë duke u arratisur.
Në tetor 2020 ai u shpall në kërkim për veprat penale kundërshtim dhe kanosje të policisë dhe pushtim të tokës.
Oruçi ka garuar në zgjedhjet vendore në Kukës përgjatë shumë viteve me sigla të ndryshme partish.
Ai ka qenësi kandidaturë e Partisë së pakicës egjiptiane shqiptare, më pas i Bindjes Demokratike, pastaj kreu i këshillit bashkiak në Kukës nën siglën e aleatëve të Partisë Demokratike, por edhe me PDIU-në e Shpëtim Idrizit, ish-kryetar i Partisë Socialiste i Komunës së Kolshit, etj.
Në vitin 2017, deputeti Ervin Salianji e akuzoi Abedin Oruçin për trafik prostitucioni, ndërsa kreu i PD-së, Lulzim Basha, e ka quajtur Oruçin ‘vrasës me pagesë’.
Në tetor të vitit 2011 ai ka hapur zjarr me pistoletë ndaj turmës së njerëzve që protestonin për një minierë të hekur-nikelit në Mamëz.
Abedin Oruçi është ndaluar edhe në Prizren në korrik të vitit 2008 me akuzë për përfshirje në trafik droge por edhe atje është liruar nga gjykata e qytetit.
Në Shqipëri ai u shkarkua pas këtij rasti, por pak kohë më vonë Gjykata Kushtetuese e ktheu në punë.
Në janar të vitit 2010 Inspektorati i Lartë i Deklarimit dhe Kontrollit të Pasurive (ILDKP) e kallëzoi penalisht për fshehje të pasurisë.
Sërish pas këtij rasti, u shkarkua nga detyra, por sërish Gjykata Kushtetuese e ka kthyer në punë.
Dje Gjici dhe Kaçi u dënuan të dy mr vendim gjykate. Kaçi ka një galeri të pasur fotosh me persona publikë.
j.l./ dita
