Prekë Kodra është personi pas raportimeve tashmë të konfirmuara për një plan për vrasjen e kryeministrit Albin Kurti, deputetit Xhavit Haliti dhe një komandanti me emrin Ismet Haxha.
Sipas dokumentit, roli i Prek Kodrës në serinë e atentateve që kishin për qëllim destabilizimin politik të Kosovës, ishte ai i atentatorit/vrasësit. Policia shqiptare e përshkruante Prekun si person që dinte se si të përdorte edhe armën e zjarrit snajper.
Paraprakisht mësohej që planifikohej të vritej Ismet Haxha, dhe më pas Xhavit Haliti. Një muaj pas vrasjes së deputetit të PDK-së, do të vritej edhe Albin Kurti për t’u dukur si akt hakmarrjeje.
Në media qarkullojnë shumë informacione për personin në fjalë, por shumë prej këtyre informacioneve janë të paverifikuara. Një informacion i verifikuar megjithatë për Kodrën, është se ai ishte arrestuar në verën e vitit 2011 pasi kishte penguar mbajtjen e zgjedhjeve lokale në Shalë të Shkodrës.
46 vjeçari është nga fshati Shtoj i Ri në Shkodër. Ai është dyshuar edhe për lidhje të forta me trafikantë narkotikësh në Malin e Zi, ku nipi i tij ka pasur edhe probleme ligjore.
Nipi i tij raportohet të jetë Pëllumb Guri, i cili në një rast raportohet të ketë shkëmbyer zjarr me policinë malazeze në transportimin e 88 kilogramëve lëndë narkotike kanabis sativa.
i.b. / dita
