22-vjeçari Gëzim Sinomati mbeti viktimë mbrëmjen e kësaj të diele në Vlorë, pasi u qëllua për vdekje me një armë snajper.
Nga të dhënat e para, dyshohet se i riu u ekzekutua në ballkonin e shtëpisë së tij, që ndodhej në katin e tretë të një pallati pranë poliklinikës së qytetit.
Ngjarja e rëndë ndodhi në lagjen “Hajro Cakërri” në Vlorë, ndërsa autoritetet kanë rrethuar zonën dhe kanë nisur menjëherë kërkimet për kapjen e autorit.
Mësohet se më parë Sinomati i ka shpëtuar një atentati tjetër me tritol.
Ende nuk dihen arsyet e vrasjes së të riut edhe pse flitet për konflikte të mëhershme të tij ose të familjarëve.
Në ndihmë të Policisë Vendore janë nisur Forcat Speciale Renea, Forcat Kombëtare të Sigurisë dhe Delta Forcë.
—-
Në foton kryesore: Banesa ku u vra i riu
