Pëllumb Shpatit, shefit të Seksionit të Krimeve në Policinë e Shkodrës, i cili u la në ‘arrest shtëpie’, nën akuzën e shpërdorimit të detyrës, duke lejuar kultivimin e kanabisit, në janar të këtij viti i vendosën lëndë shpërthyese ‘tritol’ në banesë.
Si pasojë e shpërthimit u dëmtuan muret e vilës 3-katëshe dhe automjetet e parkuara. Ndërsa vetë familjarët e tij u shprehën se nuk Shpati nuk ka patur asnjë konflikt dhe se tritoli i është vendosur për shkak të detyrës së tij, si shef i seksionit të krimeve.
Aktualisht ai akuzohet për shpërdorim të detyrës duke lejuar kultivimin e kanabisit si dhe mbështetje të autorëve të dyshuar për këtë veprimtari kriminale. Mes të hetuarve apo ndaluarve me urdhër prokuroria e vendim gjykate, është edhe nëndrejtori i policisë Shkodër, Hajri Kushi (hetim në gjendje të lirë), shefa zyre dhe efektivë, në total, 13 të akuzuar për parcelat e hashashit.
