Nga Artur Ajazi
I janë sulur Erion Veliajt dhe kanë harruar se, fushata nuk bëhet duke sulmuar 1 person të vetëm, që akoma nuk ka akuza konkrete nga SPAK. Merren me Erionin, çdo ditë, nga Saliu, Belindi, e deri analistët e PD-së, dhe kanë harruar se fushata bëhet me alternativa dhe programe serioze, dhe jo “defterë” të mbushura me akt-akuza që dalin nga selia blu.
Lereni Erionin të punojë dhe sistemojë Tiranën, të vazhdojë punën në lagjet dhe rajonet e saj, dhe merruni me partinë, që e keni “ku thërret qameti”.
Lereni Erionin ta hetojë organi drejtësisë, dhe merruni me hallet dhe problemet e kryetarit partisë, dhe hallet e votuesve tuaj në bazë.
Lereni Erionin të qetë, pasi edhe nga ato që bëni ju, besoj se “nuk ja ndjen shumë”. Pra ju thjesht harxhoni kohë dhe frymë kot.
Lereni Erionin të pastrojë mbetjet që hidhni ju rrugëve dhe rrugicave, dhe merruni me fatin e partisë tuaj, e cila pas 11 Majit pritet të dalë, forcë e 4 në zgjedhjet e reja. Lereni Erionin, dhe merruni me listën e re të kandidatëve për deputet, të cilën Berisha po mendon ta mbushë me emra parazitësh. Lereni Erionin ti dalë në krye punëve, dhe merruni me degët e partisë tuaj në rrethe, që janë inekzistente.
Lereni Erionin , se “nuk pyet mali nga gurët”, dhe merruni me hartimin e programit elektoral, pasi në fushatë po hyni si shoqatë, dhe jo forcë politike.
Lereni Erionin, dhe merruni me ata që po ju largohen nga partia, pasi nuk shohin besim dhe shpresë tek ju. Lereni Erionin, dhe merruni me hallet që keni brënda gjirit të partisë. Mendoni për fatin e partisë pas humbjes së 11 Majit, dhe mos u merrni “jak e çak” me Erion Veliajn. Lereni Erionin, dhe mendoni për vehten tuaj, pasi pas humbjes të gjithë ju që llomotisni dhe lexoni “akt-akuza” rrugëve, ju pret një fat tjetër, pasi Berisha do t’ju flakë si lecka nga selia.
Lereni Erionin, dhe shikoni familjen dhe fëmijët tuaj, pasi pas fushatës do të pësoni zhgënjim të madh, nga kryetari juaj i përjetshëm i partisë.
Lereni Erionin ta hetojë drejtësia në rast se ka gabuar, dhe mendoni për vehten, pasi jeni katandisur në skllevër të liderit tuaj historik.
Lereni Erionin, dhe mos hyni në kompetencat dhe punët e drejtësisë, sepse më vonë ndoshta mund të pendoheni për ç’ka keni thënë, dhe do të rrisni më tepër zemërimin dhe inatin e shqiptarëve për ju.
Lereni Erionin, dhe merruni me kujdesin ndaj pasurive që keni ju, dhe “sheikët” e partisë tuaj, që hiqen si “fakirë” me vila, pallate dhe makina 100 mijë euroshe. Lereni Erionin, dhe ndryshoni kursin e “lundrimit”, se po ju mbytet anija……
