Këngëtarja amerikane Britney Spears dhe bashkëshorti i saj Sam Asghari, janë ndarë vetëm pas 14 muajsh martesë, siç raportoi të mërkurën portali i specializuar argëtues TMZ. Spears, 41, dhe Asghari, 29, u takuan në regjistrimin e videoklipit ‘Slumber Party’ në vitin 2016, ku ai u shfaq si aktor dhe më vonë njoftuan fejesën e tyre në 2021 dhe u martuan në qershor 2022.
TMZ, duke cituar burime të njohura me ndarjen, tregon se një javë më parë çifti pati një debat të ashpër për pabesinë e saj të pretenduar, pas së cilës ai është larguar nga shtëpia dhe së shpejti mund të bëjë kërkesë për divorc. Lajmi është konfirmuar nga revista People, e cila shton se ishte një martesë “toksike”, plot “dramë” dhe se ka bërë ujë prej “muajsh”, thonë burime pranë artistes. Në vitin 2021, Spears i dha fund mekanizmit, me të cilin babai i këngëtares kontrollonte financat dhe jetën e saj personale për gati 14 vjet, proces në të cilin Asghari i qëndroi në krah dhe simpatizoi fansat e këngëtares.
E lirë nga ky mekanizëm, vokalistja e ‘Baby one more time’ ka qenë në qendër të vëmendjes dhe ka marrë kritika për disa nga publikimet e saj në rrjetet sociale, ku zakonisht poston video duke kërcyer dhe pozuar pa u ndalur.
