Një surprizë e këndshme ka ndodhur së fundmi në kopshtin zoologjik Thomas Belt në Nikaragua, kur një pumë shtatzënë lindi dy këlyshë, një prej të cilëve albinë, me gëzof tërësisht të bardhë.
Është puma e parë albino e regjistruar në vend që ka lindur në robëri dhe një nga katër ekzemplarët e vetëm albino pumash për të cilat ka vetëm 4 prova në botë, sipas disa agjencive të lajmeve.
Menaxhmenti i kopshtit zoologjik Thomas Belt, i vendosur në qytetin Juigalpa, Chontales, raportoi se një këlysh puma kishte lindur në objektet e tij “me gjendjen e rrallë të albinizmit”. Leshi i tij është plotësisht i bardhë dhe sytë e tij janë të kuq. Gjithashtu, ai raportoi se, me rekomandimin e mjekut veteriner, aksesi në kabinën ku është vendosur këlyshi i pumës është kufizuar për të garantuar mirëqenien e kafshëve dhe për të ofruar kushtet më të mira që kërkon këlyshi për mbijetesën e tij.
Profesionistët në qendër siguruan se këlyshi është i shëndetshëm dhe ka gjendje të mirë trupore. Kur macet të jenë tre muajshe, kopshti zoologjik planifikon t’i shfaqë ato për publikun e gjerë.
