Organizata e Kombeve të Bashkuara njofton se më shumë se 100,000 njerëz janë larguar nga Sudani që nga shpërthimi i luftimeve të ashpra midis forcave rivale më 15 prill.
Nëse luftimet nuk mbarojnë, zyrtarët paralajmërojnë për një kolaps në Sudan. Të hënën, i dërguari i posaçëm i OKB-së në Sudan, Volker Perthes, tha se të dy palët kishin rënë dakord të hynin në bisedime për të negociuar një armëpushim të qëndrueshëm dhe të besueshëm, shkruajnë mediat e huaja.
Luftimet po vazhdojnë në kryeqytetin, Khartoum, midis ushtrisë dhe Forcave të Mbështetjes së Shpejtë paraushtarake (RSF), pavarësisht një armëpushimi që u vendos më herët.
o.j/dita
