Emmanuel Macron hodhi poshtë faktin se ekziston një “spirale e pashmangshme e tensioneve në rritje” midis Kinës dhe Perëndimit në një vizitë sot në Pekin.
Presidenti francez tha se Evropa duhet t’i rezistojë tensionimit të marrëdhënieve diplomatike dhe tregtare me Pekinin, ndërsa paralajmëroi se nuk ishte në interesin e Kinës të furnizonte armë për një “luftë të qëndrueshme” në Ukrainë.
Një këshilltar i udhëheqësit francez tha se afërsia e Kinës me Rusinë e bën atë ndoshta të vetmin vend që mund të ketë një “efekt ndryshimi të lojës në konflikt”.
Macron u tha gazetarëve në ambasadën franceze në Pekin: “Ne dëgjojmë zëra gjithnjë e më të lartë që shprehin një shqetësim të fortë për të ardhmen e marrëdhënieve midis Perëndimit dhe Kinës që në njëfarë forme çojnë në përfundimin se ekziston një spirale e pashmangshme e tensioneve në rritje”.
Ai tha se mbajtja e dialogut me Kinën ishte thelbësore duke pasur parasysh marrëdhëniet e saj të ngushta me Rusinë.
o.j/dita
