Presidenti Emannuel Macron tregoi pse bllokoi procesin e integrimit të Shqipërisë në 2018-n.
“Është plotësisht e vërtetë, në 2018, unë isha ai që pengoi procesin sepse po vinim rrotull. Por ecja rrotull nuk na çon diku. Po ndodhte një proces, mbledhja u bë me një indiferencë dhe krejtësisht hipokrite, ishte si një revistë burokratike, ku thuhej se do të zgjasë edhe më shumë që jeni në x kapituj, jeni shumë larg.
Nuk thoshin asgjë. Në atë moment u thashë “ky proces nuk funksionon, duhet të jetë më politik”.
Nuk mund të jetë burokratik, ku hapim kapituj sepse nuk ndryshon asgjë për jetën e shqiptarëve. Doja që ti jepej fund një mekanike që është e ftohtë, hipokrite për mendimin tim jo efikase sepse e shihja që shkaktonte mëri tek vendet fqinje.
Serbia, për të cilën kam respekt, ka hyrë prej vitesh dhe po ecën ngadalë.
Kemi përmirësuar gjërat, kemi akoma shumë në këtë epokë të re ribashkimi. Të tronditim pak zakonet e traditat, vendet që munden duhet të ecin më shpejt. Duhet të investojmë tek këto vende.
Data? Nuk ka kuptim, që të flasim për datë. Së pari, sepse mund t’ju ndodh një aksident demokratik në vendin tuaj, vijnë drejtues që thonë “nuk bëjmë asnjë reformë”, kjo shkon bashkë me angazhimin e vendit.
Kryeministri aktual është i angazhuar. Por ditën kur një vend të ecë më shpejt, a mund të ngadalësohet nga krizat? Mundet. Data e prerë është kundër kësaj fryme. Dua të theksoj, mos e nënvlerësoni rëndësinë e rrugës, e bëni për veten tuaj”, tha Macron.
a.c./dita
Asgje e re nga fronti perndimit…