Një automjet tip “Audi” ka rënë në përroin e fshatit Dars të Klosit, gjatë orëve të para të mëngjesit të së shtunës.
Blutë sqarojnë se në automjet kanë qenë dy persona, drejtuesi 24-vjeçar Andi Llosha dhe pasagjeri 30-vjeçar Jurgen Karaj.
Llosha ka arritur të dalë nga makina dhe ka shpëtuar, ndërsa Karajn dyshohet se e ka marrë rrjedha e përroit.
Lidhur me ngjarjen, policia ka arrestuar 24-vjeçarin Llosha, pasi si është largua nga vendngjarja dhe nuk i dha ndihmë Karajt në brendësi të automjetit.
Gjithashtu Llosha iu nënshtrua testit të alkoolit, nga i cili rezultoi se e drejtonte mjetin në gjendje të dehur, ndërsa vijojnë kërkimet për gjetjen e 30-vjeçarit Karaj.
Sakaq, materialet procedurale iu referuan Prokurorisë për veprime të mëtejshme.
Njoftimi i Policisë:
Rreth orës 01:30, është marrë informacion se në vendin e quajtur ura e fshatit Dars, njësia administrative Klos, një mjet tip “Audi”, me targa angleze, ka dalë nga rruga dhe ka rënë në përroin e fshatit Dars.
Menjëherë në vendngjarje kanë shkuar shërbimet e Policisë dhe shërbimi zjarrfikës. Nga veprimet e shpejta të kryera nga shërbimet e Policisë u bë i mundur identifikimi i drejtuesit të mjetit, shtetasit A. L., 24 vjeç, banues në fshatin Fullqet, Klos.
Po nga veprimet dyshohet se në automjet ka qenë edhe një pasagjer, shtetasi J. K., 30 vjeç, banues në fshatin Fullqet, të cilin dyshohet se e ka marrë rrjedha e përroit.
Gjatë veprimeve për zbardhjen e rrethanave të aksidentit, shërbimet e Policisë kapën dhe arrestuan shtetasin A. L., 24 vjeç, i cili dyshohet se pas shkaktimit të aksidentit është larguar nga vendngjarja.
Ky shtetas iu nënshtrua testit të alkoolit, nga i cili rezultoi se e drejtonte mjetin në gjendje të dehur. Ndërkohë, polumbarët e RENEA-s, shërbimet e Policisë dhe zjarrfikësit vijojnë kërkimet në përroin e fshatit Dars për gjetjen e pasagjerit, shtetasit J. K. Materialet procedurale iu referuan Prokurorisë për veprime të mëtejshme.
j.l./ dita
Ketij garipit qe ka lene shokun vetem ne gjendje kritike per jeten duhet me ja gris patenten perjete dhe nja 25 vjet burg se eshte fajtor per jeten e atij tjetrit.
Po pse te denohet,andej nga vjen ai eshte normale,ai vete ka dale,shokut ci qi temen.
Portali Pamfleti thote qe pasagjeri u gjet brenda ne makine i plagosur.
Kjo foto me kujton vdekjen e olldashit
Vetem se kjo eshte demtuar shum me teper plus rrezik mbytje dhe sikur mos mjaftonte pasagjeret paskan takat edhe tja mbathin