Presidenti francez, Emmanuel Macron, në një intervistë për gazetën sportive L’Equipe, ka bërë me dije se Rusia nuk mund të marrë pjesë në Lojërat Olimpike të 2024 që do të zhvillohen në Paris.

Megjithatë sipas tij, vendimi përfundimtar për lejimin e atletëve rusë dhe bjellorusë të marrin pjesë në gara në baza individuale do të varet nga Komiteti Olimpik Ndërkombëtar (IOC) dhe kreu i tij Thomas Bach.

Pavarësisht nga pushtimi i vazhdueshëm rus i Ukrainës, i cili është mbështetur nga aleati i vjetër i Moskës, Bjellorusia, IOC ka rekomanduar lejimin e atletëve nga Rusia dhe Bjellorusia të konkurrojnë si individuale neutrale në garat ndërkombëtare. Ata do të duhet të konkurrojnë nën një flamur neutral dhe pjesëmarrja e tyre do të varet nga fakti nëse ata e kanë mbështetur në mënyrë aktive luftën në Ukrainë, raporton LeFigaro.

“Pyetja e vërtetë që bota olimpike do të duhet të vendosë është se çfarë vendi do t’u japë këtyre atletëve rusë, të cilët ndonjëherë janë përgatitur për një jetë dhe gjithashtu mund të jenë viktima të këtij regjimi”, tha Macron për gazetën franceze.

p.k\dita