Një politikan shqiptar ka shpëtuar jetën e një foshnjeje, së cilës iu mbyt nëna në rrjedhën e lumit Moraça në Podgoricë. Ngjarja e cila është bërë publike në media, ndodhi ditën e sotme dhe deputeti shqiptar në Parlamentin e Suedisë, është Adnan Dibrani. Mësohet se foshnja po mbahet në vëzhgim nga mjekët dhe gjendja e saj është e qëndrueshme.
“Ajo po monitorohet në reanimacion dhe çdo prognozë është e rëndë, po të kemi parasysh që fëmija është dy muajsh”, thonë burimet nga spitali.
Deputeti shqiptar ka ndërhyrë menjëherë duke nxjerrë foshnjën nga lumi dhe duke ndihmuar në nxjerrjen jashtë të ujit nga mushkëritë. Në një intervistë për gazetën “Pobjeda”, ai u shpreh se nuk besonte se do t’ia dilte.
- Publicitet -
“Po e kaloja urën dhe shikova drejt ujit kur pashë një grua dhe një fëmijë që notonin në lumë. Disa djem të tjerë erdhën, zbritën në lumë dhe nxorrën foshnjën nga uji. Ndërsa të tjerë thirrën një ambulancë. Vrapova drejt tyre dhe pashë që po mbanin në krahë foshnjën, e cila nuk kishte shenja jete. Meqenëse kam një fëmijë të vogël në shtëpi, e dija çfarë të bëja në situatë të tillë”, tha Adnani.
Ai kishte frikë se ishte tepër vonë, por nuk u dorëzua. “E mora foshnjën prej tyre dhe u përpoqa të bëja atë që di, sa më mirë që mundem, e shtrëngova foshnjën, dhe ia nxora ujin nga mushkëritë. Kur e dëgjova të qartën e tij, nxitova te urgjenca dhe ia dorëzova foshnjën”, thotë Adnani.
Prezenca e deputetit Adnan Dibrani, rezultoi të vijonte aty, duke qenë pjesë e misionit vëzhgues të Asamblesë Parlamentare të Këshillit të Evropës, që pasoi ditën e zgjedhjeve në Mal të Zi.
m.b./dita
