Mali i Zi ka nisur të ngrijë pasuritë e patundshme të shtetasve rusë në territorin e vet, një lëvizje që shpreh ashpërsimin e linjës anti-ruse në vendet me shumicë sllave në Ballkan.
Ministri i Brendshëm Filip Adzic ka njoftuar se bëhet fjalë për 44 objekte që do të bllokohen si pjesë e solidarizimit me sanksionet kundër Rusisë për shkak të luftës në Ukrainë.
Sipas autoriteteve malazeze, shtetasit rusë kanë investuar më shumë se 129 milionë euro, nga të cilat 49.46 milionë euro në sektorin e pasurive të patundshme.
Por sipas ambasadorit rus në Malin e Zi, Vladislav Maslenikov, përgjatë 15 vjetëve Rusia ka investuar 1.5 miliardë euro në këtë vend, duke u bërë investitori më i madh i huaj.
i.b. / dita
