Krahas rritjes së kuotave të pranimit, për studentët e Mjekësisë do të ofrohet edhe një paketë mbështetëse.
Ministrija e Shëndetësisë Ogerta Manastirliu ka konfirmuar dhënien e paketës, e cila siguron trajnime si edhe politikat e strehimit social studentëve.
“Sot qeveria ka marrë vendim për të miratuar një projektligj për një paketë mbështetjeje për trajtimin e veçantë në Mjekësi të Përgjithshme në institucionet publike. Kjo ka ardhur pas një analize të thellë që kemi bërë përsa i përket burimeve tona njerëzore.Rritja e jetëgjatësisë, detyron rritjen e qendrave shëndetësore, rritjen e nevojës për mjekë. Paketa i krijon mundësi studentëve që të kenë trajnime për tu punësuar në institucionet shëndetore, si edhe të përfitojnë politikat e strehimit social, detyra jonë është tu përgjigjemi qytetarëve me profesionitë”, tha Manastirliu.
Ministrja njoftoi rritje deri në 500 të kuotave të pranimit të studentëve të mjekësisë.
“Do të rrisim numrin e kuotave në Mjekësi duke u çuar në 500 kuota pranime që të kemi mjekë që diplomohen më shumë dhe të kemi trajtime preferenciale sipas kësaj pakete”, tha ministrja.
Ministrja bëri me dije se marrëveshja do të jetë akt ligjor i cili do parashikohet masa nëse zbatohet apo jo ndërsa theksoi se ky projektligji lidhet me institucionet publike por do shihet edhe për ato jopublike.
p.k\dita
