Një operacion i rrallë për rimodelimin e kafkës që zgjati 7 orë tek një fëmijë 10-muajsh është kryer me sukses në QSUT, nga ekipi mjekësor multidisiplinar.
Ndërhyrja kirurgjikale e shkallës së lartë të vështirësisë që realizohet për herë të parë në spitalet tona u krye nga ekipi mjekësor i disa specialiteteve, me neurokirurg Prof. Artur Xhumari, Kirurg maxilofacial D.Arlind Myftari dhe Dr. Marjon Sako, anestezist-pediater Dr. Spiro Sila, kryeinfemriere Silvana Laçi, instrumentare Anisa Vogli, Infermiere Marjeta Shehi, Nora Tafaj, Irini Ngjiro.
Ministrja e Shëndetësisë dhe Mbrojtjes Sociale Ogerta Manastirliu së bashku me ekipin e mjekëve ishin sot në ambientet e Pediatrisë, për Reisin e vogël dhe prindërit e tij:
“Është për herë të parë që kjo ndërhyrje kryhet në ambientet e Pediatrisë në QSUT. Ndërhyrje e vështirë që solli angazhim të disa mjekëve të disa shërbimeve”, tha Manastirliu.
Nëna e djalit u shpreh e emocionuar për rezultatin dhe mbështetjen e ofruar. “ Shumë faleminerit jam shumë e kënaqur për çfarë keni bërë për djalin tim.”-u shpreh ajo.
“ SUPER emocion për një sukses të jashtëzakonshëm për Reisin e vogël 10 muajsh, që ia ka dalë me sukses pas një operacioni tepër të vështirë të rimodelimit të kafkës që u krye për herë të parë në spitalet tona. Punë fantastike e ekipit multidisiplinar me neurokirurg Prof. Artur Xhumari
kirurgut të Shërbimit Maxilofacial Dr.Arlind Myftari,
kirurgut maksilofacial të Spitalit Universitar të Traumës Dr. Mariol Sako, anestezist në spitalin pediatrik Dr. Spiro Sila, kryeinfermiere Silvana Laçi, instrumentare Anisa Vogli
infermiereve Marjeta Shehi, Nora Tafaj, Irini Ngjiro.
Shumë faleminderit e dashur Esmeralda për besimin dhe shërim të shpejtë Reisit” – shkruan Manastirliu.
a.m/dita
Ne themi shendetesia por keto jane me te vertete arritje ne fushen kerkimore ne mjekesi.Bravo atyre duararteve te ekipit dhe stafit mjekesor qe e bene te mundur kete operacion te veshtire.