Një orë pas Interit, ka mbërritur në hoteli ku do të qëndrojë në Stamboll edhe skuadra e Manchester Cityt.
Inter dhe Manchester City do të përballen këtë të shtunë për trofeun e Champions League, ndërsa gjatë mbrëmjes së kësaj të enjteje të dyja skuadrat kanë mbërritur në Stamboll, qyteti ku do të luhet finalja.
Ashtu si italianët, edhe skuadra e City-t u stërvitën në qendrën e tyre në mëngjes, përpara se të niseshin për në Turqi.
Ndryshe nga Inzaghi, i cili i ka të gjithë lojtarët në dispozicion, Kyle Walker nuk është në gjendjen e tij më të mirë dhe nuk dihet ende nëse Guardiola do ta ketë në dispozicion për finalen e madhe.