Pavarësisht thashethemeve të shumta, që lidhnin mesfushorin francez, Adrien Rabiot, me një kalim te “djajtë” e Manchester United, 28-vjeçari “shtatlartë” vendosi të rinovojë edhe për një tjetër vit kontratën e tij me “bardhezinjtë” e Juventus.
Mirëpo, sipas “zbulimit” më të fundit nga prestigjiozja italiane, “La Gazzetto dello Sport”, negociatat me United dështuan pas kërkesave të “ekzagjeruara” të menaxheres së Rabiot, e cila është e ëma e francezit.
Sipas mediave, kjo e fundit i kërkoi drejtuesve të United, një kontratë 3-vjeçare prej 10 milionë eurosh fitime në sezon, veçmas taksave, si dhe 10 milionë euro bonus nënshkrimi me “djajtë”, kërkesë e cila u refuzua në mënyrë të menjëhershme nga bordi i “të kuqve” të Manchester.
Për këtë aryse, Rabiot vendosit të qëndrojë te skuadra e Juventus dhe në kontratën e re me “bardhezinjtë” e cila vlen deri në vitin 2024, francezi do të përfitojë 8 milionë euro në vit pas taksave
