Pas takimit dhe marrëveshjes së arritur pa firmë mes Kryeministrit të Kosovës, Kurti dhe Presidentit të Serbisë, Vuçiç, më 18 mars në Ohër, ka reaguar ish-kryeministri i Kosovës, Avdullah Hoti. Ai është shprehur se e vetmja pjesë pozitive e kësaj marrëveshje është se ka ndalur degradimin e mëtejshëm të procesit, teksa ka shtuar se përndryshe do ishte kthim mbrapa në vitin në 2013.
“Pas bllokimit të dialogut për shkak të taksës 100% ka pasur dakordim ndërkombëtar se duhet dialoguar vetëm për njohje reciproke dhe nuk ka dakordësim pa u përmbyllur marrëveshje me njohje reciproke. Në qeverinë time e patëm filluan këtë dialog pra për njohje reciproke dhe u patëm dakordësuar për të pagjeturit dhe çështjet ekonomike. I patëm lënë në proces çështjen e Kadastrës dhe dëmet, pensionet e të tjera. E vetmja pjesë pozitive e marrëveshjes së arritur në Ohër është se ka ndalur degradimin e mëtejshëm të procesit, përndryshe është kthim mbrapa në vitin 2013”, –shkruan Hoti.
m.b./dita
