Dita ishte e bukur, tapeti i kuq ishte gati, rojet ushtarak të nderit gjithashtu, por ajo çfarë e detyroi presidentin gjerman Frank-Walter Steinmeier të priste më shumë se 30 minuta në aeroportin e Katarit, ishte mungesa e zyrtarëve që ishin caktuar për ta pritur.
Pranë liderit gjerman ishte vetëm ambasadori i Gjermanisë në Katar, Lothar Freischlader, por çfarë ndodhi që axhenda nisi me incidente?
Steinmeier priti në derën e Airbus A350 të Bundeswehr-it për gati gjysmë ore përpara se Sulltan al-Muraichai, ministri i shtetit për punët e jashtme të Katarit, të mbërrinte për të pritur kreun e shtetit të Gjermanisë, shkruajnë mediat e huaja.
Lideri gjerman kaloi kohë gjatë udhëtimit të tij tre-ditor në rajon në Izraeli, pasuar nga dy netë në Oman dhe vetëm tri orë në shtetin e Gjirit. Siç vë në pah DW, në Gjermani, ndikimi i Dohas në luftën Izrael-Hamas shihet si disi i diskutueshëm pasi Katari është shtëpia e krahut politik të Hamasit.
Kjo bëri që disa të pyesin nëse mospërfillja e së mërkurës ishte një përgjigje ndaj deklaratave të bëra së fundmi nga ministrja e Jashtme gjermane Annalena Baerbock përpara vizitës së planifikuar prej kohësh të Al Thani në Berlin në tetor.
German President Frank-Walter Steinmeier was left waiting 30 minutes at tarmac of Qatar airport.
No Qatari official showed up to pick him up from the airport. pic.twitter.com/RgdGAIOO2q
— Clash Report (@clashreport) November 30, 2023
j.l./ dita
