Pas mbledhjes së grupit parlamentar të ps, Balla ka dalë në një konferencë për mediat, ku tregoi se çfarë u diskutua.
Njoftuat një kallëzim apo padi të re në SPAK për 21 janarin, çfarë ka ndodhur?
Kam deklaruar dje se PS ka thirrur protestën e 21 janarit, që 4 dëshmorët janë një prej nesh. Ne jemi palë e dëmtuar. Bazuar në faktin që dosja penale për vrasjen e Aleks Nikës është një dosje që gjendjet ende në Prokurorinë e Tiranës, kështu që në orët dhe ditët në vijim edhe PS do të ketë kallëzimin e vetë. Punën do t’ja lëmë ekspertëve që ta mbarojnë edhe këtë moment që flasim që po merren me formalizimin e këtij kallëzimi të ri. Iu kam thënë që nga 21 marsi kur ka qenë kallëzimi i parë, në çdo moment i kam kërkuar drejtuesit të SPAK se përse nuk e heton SPAK masakrën e 21 janarit.
Çfarë u diskutua në mbledhjen e grupit parlamentar?
Në mbledhjen e grupit u mblodhëm për seancën plenare për ndryshimet në buxhet, kur përmes pakos së madhe do u vihet në ndihmë pensionistëve.
A ka afat për amnistinë fiskale?
Nuk ka ardhur ende në Kuvend, sapo të vijë do të informoheni, e dini që nuk kalon me procedurë të përshpejtuar.
Çfarë ka kërkuar BE dhe a do reflektojë qeveria për këtë?
Ka pasur një dialog konstruktiv në emër të BE dhe mendoj që jemi në një fazë drejt fundit që rekomandimet të merren për bazë nga pala jonë.
j.l./ dita
Beni sa te doni ju kallezime, problemi nuk qendron tek mungesa e fakteve, Ketu mungon drejtesia dhe mungesa e deshires nga ana e saj per ti mare ne konsiderate e per ti gjykuar ato . Me te ardhur ne pushtet Saliu, gjeja e pare qe beri ishte kapja e drejtesise dhe jo me kote! Ai e dinte shum mire se nje dite do te binte nga pushteti dhe si i tille ai do te ishte subjekt qe do te trajtohej nga drejtesia. Sot ata jane te gatshem qe te sakrifikohen per te, pasi ata nuk ja harrojne dote gjithc’ka ai beri per ta kur ishte ne sundim.
Tanime nuk duhet ndeshkuar Saliu, po drejtesia e cila eshte ende nen eurdherat e tij.