Një ngjarje e rëndë është regjistruar pasditen e kësaj të mërkure në Përmet, ku një person ka humbur jetën në kanionin e Langaricës.
Burimet bëjnë me dije se viktima është një shtetase e huaj turiste, që kishte shkuar për të eksploruar kanionin në fjalë me një grup europianësh. Shkak për mbytjen ka qenë dalja nga shtrati e lumit Langaricë, si pasojë e reshjeve të shiut. Turisten dyshohet se e ka marrë rrjedha e lumit.
Burimet nga vendngjarja bëjnë me dije se bëhet fjalë për një 66-vjeçare nga Gjermania, e cila ishte duke vizituar këtë zonë, por identiteti nuk është publikuar ende. Ngjarja ndodhi rreth orës 18:25, ku çifti, një 72-vjeçar po gjerman dhe viktima, kanë qenë duke vizituar në këmbë kanionin e Langaricës në Përmet.
Policia ka zbuluar turistin e huaj të pajetë në vendin e quajtur “Mulliri i Bënjës”. Ndërkaq rrezikohet edhe jeta e turisteve të tjerë në Langaricë. Policia si dhe forcat e shërbimit zjarrfikës të Bashkisë Përmet kanë shkuar në vendngjajre dhe po punojnë për shpëtimin e turistëve të tjerë.
