Gjatë mbrëmjes së të enjtes, një ngjarje e rëndë u regjistrua në kryeqytet, ku u plagos me armë zjarri nga policia shtetasi Enea Sulejmani dhe u shoqëruan në komisariat dy persona të tjerë që ndodheshin në makinë me të.
Dy personat e tjerë të cilët janë arrestuar, janë Ilir Begaj dhe Shkëlqim Ostreni.
Sulejmani rezulton kryetari i Shoqatës së Transportit Ndërqytetës.
Ai ishte shoferi i mjetit tip “Tiguan”, i cili tentoi të shtypte me makinë efektivët e policisë teksa u afruan për t’i arrestuar.
Antidroga e Tiranës i kishte prej disa muajsh vëzhgim dhe në ndjekje tre të rinjtë, të cilët dyshohen si furnizues kokaine.
Sulejmani po udhëtonte me një automjet tip “Volkswagen Tiguan” së bashku me dy persona të tjerë në rrugën “Mihal Duri”, kur uniformat blu që ndodheshin në një operacion antidrogë, kanë tentuar ta ndalojnë.
Por drejtuesi i mjetit nuk i është bindur urdhrave të policisë për të ndaluar dhe ka ecur mbrapsht duke rrezikuar jetën e punonjësve të policisë dhe duke përplasur me qëllim shmangien, automjetin e sherbimit të policisë.
Gjatë tentativës për t’u larguar një nga efektivët ka qëlluar me armë në drejtim të automjetit dhe për pasojë mbeti i plagosur Enea Sulejmani.
Ai është dërguar në spitalin e Traumës nga punonjesit e policisë dhe ndodhet nën kujdesin e mjekëve, jashtë rrezikut për jetën.
Në automjet është gjetur një pako kanabis me peshë rreth 1 kg, ndërsa dy persona e tjerë në makinë janë shoqëruar në ambientet e DVP Tiranë.
j.l./ dita
Sipas ligjit amerikan, ky person dënohet me burgim të përjetshëm sepse ka rrezikuar jetën e policëve. Vetëm kështu vihet rregull në atë vënd.
polici nuk ka nevoje per flete lavderimi.epni nje rroge shtese,nga Fondi i Sigurise qe ruhet ne Tubacionet e pastruses Rozeta Derrdoblla te dashnores ministrit ne kerkim te paditur.Sa 1/1000 e Dombit me te birin.
Flisni po deshe Kreu shoqates e Urbanit Kryeqytetas!!!
Kuje,pa fjale