Presidenti i Serbisë, Aleksandar Vuçiç tha se përfaqësuesit e Quint’it i kanë kërkuar takim urgjent, duke thënë se Perëndimi po dëshiron një zgjidhje me çdo kusht.
Duke komentuar propozimin franko gjerman Vuçiç tha se është një propozim shumë i vështirë për Serbinë dhe se pret një propozim të ri.
“Pres të shoh propozimin e ri, ndoshta do të na japë një shans”, tha Vuçiç.
Ai thekson Perëndimi dëshiron ta zgjidhë çështjen e Kosovës sa më shpejt.
“Presioni ndaj Serbisë do të rritet sepse të gjithë duan t’i jepet fund sagës së Kosovës, në mënyrë që të mos shqetësohen me përgjigjet që duhet t’u japin rusëve dhe kujtdo që i referohet asaj. Fuqitë perëndimore duan ta zgjidhin atë. Ata nuk do të zgjedhin mënyra dhe mjete për të arritur atje”, tha Vuçiç.
Ndërsa, sa i përket deklaratës së Escobar se arritja e një marrëveshjeje është çështje javësh, Vuçiç thotë se këtë e ka dëgjuar në shumë biseda dhe nuk beson se është realiste.
Sipas tij, Prishtina duhet ta krijojë Asociacionin e Komunave me Shumicë Serbe.
a.m/dita
