Myftiu i Delvinës, Bledar Ali dhe djali i tij i mitur, janë vënë nën hetim nga policia e Delvinës si të dyshuar se kanë dhunuar me sende të forta një 54-vjeçar. Ngjarja ka ndodhur në Delvinë, katër ditë më parë, ku një aksident me dëme materiale është bërë shkak për nisjen e sherrit.
“Po ikja për punë, kalon një furgon me targa Vlore, shumë shpejt dhe më godet pasqyrën. Iku para dhe pastaj u kthye mbrapssh. I kërkova, i thashë a ke dokumente. E pashë që ishte fëmijë, i thashë thuaj babiat të vijë, se do marrë dhe policinë ta sqarojë këtë punë. Unë po prisja, një xhip i zi me targa angleze. Unë po prisja të sqaronim se një pasqyrë ishte, nuk ishte ndonjë problem. Më qëlluan me leva sa iu desh qejfi, pa i prekur, pa i goditur, pa i sharë, pa i ofenduar. Mund t’i shohësh shumë thjeshtë goditjet, në krah, shpatull në kokë”, thotë ai.
Materialet procedurale i kaluan Prokurorisë, për veprime të mëtejshme.
