56 qytetarë të Bulqizës janë paraqitur pasditen e sotme në spitalin e qytetit me shenja helmimi.
Sipas raportimeve, ata dyshohet se janë helmuar nga uji i pijshëm, i cili është përzier me ujërat e zeza.
Në Qytetin e Ri në Bulqizë, po bëhen punime në rrjetin e ujërave të zeza. Pas kësaj ngjarjeje, ekspertë kanë shkuar në terren për të bërë analizat e ujit.
Disa prej personave janë paraqitur në spital edhe më të vjella, ndërsa rasti është ende duke u hetuar edhe pse ka dyshime për një përzierje mes ujit të pijshëm dhe ujërave të zeza.
Banorët të cilët janë paraqitur në spital, vijnë nga zona të ndryshme.
Policia njofton se me marrjen e njoftimit është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.
i.b/dita
