Në të gjithë Meksikën, SHBA-në dhe Kanadanë dhjetëra miliona njerëz shijuan pamjen e rrallë që ofroi eklipsi i plotë i diellit. Ata shikonin të hanitur teksa dita kthehej në natë.
Ekslipsi i shumëpritur i 8 prillit ishte një fenomen i rrallë, kur hëna lëviz midis Tokës dhe Diellit, duke shuar dritën e saj në një eklips të plotë diellor.
Eklipsi u pa për herë të parë rreth Mazatlán, Meksikë, në brigjet perëndimore të vendit në orën 11:07 me kohën lokale (18:07 GMT), ku u dyndën mijëra njerëz.
Në fillim, skaji i jashtëm i Hënës dukej se po prekte Diellin. Pastaj ‘gllabëroi’ gjithnjë e më shumë diellin derisa brohoritjet shpërthyen dhe më në fund gjithçka u errësua, me përjashtim të shkëlqimit të argjendtë rreth konturit të Hënës.
Me syze të posaçme e aparate fotografike në duar, miliona njerëz fiksuan momentet që i cilësuan të rralla dhe i postuan në rrjetet sociale.
Është eklipsi i parë në këtë shekull që kapërcen tre vendet, pas atij të vitit 2017, i cili errësoi kryesisht Shtetet e Bashkuara.
j.l./ dita
