“Kina dhe Rusia ndajnë objektiva të përbashkëta.” Kjo është ajo që ka deklaruar presidenti kinez Xi Jinping gjatë mbledhjes me homologun e tij rus Vladimir Putin.
Lideri kinez ndodhet në një vizitë zyrtare në Moskë.
“Mirë se vjen mik i dashur”, i ka thënë Putin Xi-së në Kremlin.
“Është e vërtetë që të dy vendet tona ndajnë objektiva të njëjta ose të ngjashme. Ne kemi bërë përpjekje për prosperitetin e vendeve tona… mund të bashkëpunojmë dhe të punojmë së bashku për të arritur qëllimet tona”, tha më tej Xi.
Po ashtu, presidenti kinez solli në vëmendje se vizita në Rusi është e para që ai bën qëkur u rizgjodh sërish si i pari i vendit. Ai po ashtu i uroi homologut të tij rus që të rizgjidhet sërish President.
“E di që Rusia mban zgjedhje presidenciale vitin që vjen. Zhvillimi i Rusisë është përmirësuar ndjeshëm nën udhëheqjen tuaj të fortë. Unë besoj se populli rus do të vazhdojë t’ju mbështesë fuqishëm,” tha ai.
Xi tha se Kina “vlerëson shumë” lidhjet Kinë-Rusi dhe se të dyja vendet mund të bashkëpunojnë për të përmbushur objektivat e tyre të zhvillimit.
Presidenti Xi theksoi gjithashtu se vendi i tij i vlerëson shumë lidhjet Kinë-Rusi dhe se të dyja vendet mund të bashkëpunojnë për të përmbushur objektivat e tyre të zhvillimit.
o.j/dita
