Kjo është java e fundit e fushatës në Turqi, ku presidenti Erdogan kërkon një tjetër mandat.
‘Stamboll’ brohoriti Erdogan para 1.7 milionë njerëzve që ishin të pranishëm në tubim, të cilët mbanin në duar flamuj turq dhe pankarta kushtuar presidentit.
Mbi 10 mijë autobusë sollën mbështetësit në Stamboll, takim që Erdogan e quajti “mitingu i shekullit”.
Gjatë fjalimit të tij para turmës presidenti e cilësoi kundërshtarin ‘të dehur’ ‘të pafe’ dhe e akuzoi se do të përçajë vendin.
Ndërsa kandidati opozitar gjatë mitingut të tij premtoi se do të qetësonte dhe bashkonte vendin. Ai ka shtuar se do t’i japë fund autoritarizmit.
Presidenti Erdogan po përballet me garën më të vështirë, pasi popullariteti i tij u godit nga inflacioni dhe përballet me kritika për trajtimin e qeverisë së tij ndaj tërmeteve shkatërruese të 6 shkurtit që vranë mbi 48,000 njerëz në Turqinë Jugore.
Qytetarët turq do të votojnë më 14 maj për të vendosur për të ardhmen e kombit të tyre. Dhe sondazhet kanë treguar se gara është shumë e ngushtë.
j.l./ dita
