Momente frike dhe paniku përpara miqësores Milan-Real Madrid. Dy skuadrat e mëdha europiane u përballen mes tyre në Kaliforni, duel që fitua 3-2 nga “Los Blancos”.
Në një lidhje live me ESPN, Shaka Hislop, ish-portieri nga Trinidad Tabago, autor i mbi 250 ndeshjeve në Premier League me Newcastle, West Ham dhe Portsmouth, u shemb në tokë!
Ndërsa fliste me partnerin e tij të transmetimit Dan Thomas, 54-vjeçari u lëkund prapa dhe përpara, përpara se të rrëzohej në tokë. Njerëzit nxituan në ndihmë të tij, teksa transmetimi u ndërpre menjëherë.
Për fat të mirë, Hislop e ka kaluar momentin e vështirë pas kontrollit nga mjekët. Thomas dha lajmin pozitiv që prisnin të gjithë, duke konfirmuar gjendjen e mirë shëndetësore të ish-portierit.
“Shoku im Shaka, është i vetëdijshëm, ai po bisedon normalisht me njerëzit. Mendoj se i vjen disi zor për atë që ndodhi. Na kërkoi falje, pasi është një tip të cilit nuk i pëlqen që njerëzit të tallen me të.
Natyrisht që është shumë herët për të përcaktuar diagnozën, por gjëja më e rëndësishme është që Shaka është i ndërgjegjshëm. Ne folëm me gruan e tij dhe gjërat po duken mirë. Faleminderit për gjithë dashurinë tuaj, dhe siç duket Shaka do e marrë veten së shpejti”.
