Korrupsioni me gjobat i kushton punën një tjetër polici. Një efektiv i Policisë Rrugore të Fierit është pezulluar me urdhër të drejtorit të Policisë Vendore, nën akuzën se ka marrë ryshfet. Inspektori G. M., me detyrë punonjës i Sektorit të Qarkullimit Rrugor, dyshohet se mori para nga një shtetas, me qëllim shmangien e gjobës pas shkeljes së kodit që ai kishte bërë. Njëkohësisht, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur ecurinë disiplinore ndaj punonjësit të Policisë, për shkelje të rëndë, ndërsa nga AMP ka nisur hetimi penal për këtë rast.