“Mos e prek kalin se është i acaruar sot”, kjo ishte fraza që më pas sherri përfundoi në një krim, ku mbeti i vrarë në kalanë e Beratit, turisti Keli Hoxha.
Autori i ngjarjes, 63-vjeçari Kristo Mema (alias Kontandin Hoxha),pasi ka parë shtetasin Keli Hoxha që preku me dorë kalin i ka thënë që mos ta prekte më, pasi kali, sipas tij, nuk ishte mirë dhe ishte i acaruar.
Autori i ngjarjes ka dëshmuar në polici se pasi i ka thënë kështu, viktima e ka sharë nga familja dhe e ka ofenduar.
Më pas, ai ka deklaruar se, pas këtyre sharjeve, në gjaknxehtësi e sipër, ai ka nxjerrë thikën që e mbante fshehur në samarin e kalit dhe e ka qëlluar me thikë.
Më pas, ai deklaron së ka shkuar në banesë, ka lidhur kalin në kasolle, ka marrë disa ushqime dhe u fsheh në një nga shpellat e kalasë, për t’i shpëtuar policisë.
Nga ana e tyre, familjarët e viktimës, kanë deklaruar në polici se sherri filloi vetëm pse viktima i kishte prekur kalin me dorë. Ata kanë deklaruar se familjari i tyre nuk e ka sharë dhe as ofenduar, por pronari i kalit e ka qëlluar me thikë papritur, pasi i kishte thënë “mos e prek kalin” dhe viktima i ishte përgjigjur “s’ka asgjë të keqe”.
Ngjarja e rëndë ndodhi rreth orës 15:30 të pasdites së djeshme në lagjen “Kala” në Berat.
Viktima Keli Hoxha, 42-vjeç, banues në Tiranë dhe lindur në Tropojë, nuk mundi dot t’i mbijetojë plagëve të marra dhe gjeti vdekjen sapo mbërriti në Spitalin Rajonal Berat.
Autori u kap disa orë më vonë, i fshehur në “shpellën e memecit”, pranë Kishës së Shën Mëhillit.
Autori Kristo Mema (alias Kontandin Hoxha), ka kryer një vrasje në vitin 1993 në Berat, por pas ngjarjes ishte larguar në Greqi për rreth 25-vjet, ku kishte ndërruar edhe emrin. Për këtë vrasje ai nuk ka bërë asnjë ditë burg, pasi vrasja ishte parashkruar.
j.l./ dita
Si duhet te kuptojme shprejen: nuk ka bere asnje dite burg pasi “vrasja ishte e parashikuar”?
Dmth kishte kaluar Koha per ate krim
“parashkruar” dhe jo “parashikuar”…do te thote qe, vepra penale e pagjykuar per 25 vite, nuk do te konsiderohet me juridikisht. Pyetja ime eshte: Si mund te parashkruhet nje veper penale? Ne vende te caktuara, jane arrestuar individe qe kane kryer krime para 40, 50 apo me shume viteve (nuk po flas vetem per kriminelet naziste, por edhe per ata pak me moderne, te cilet kane kryer krime mbi individin!!!). Prandaj me habit qe nje vrases, qe i dihet edhe identiteti, te shetise me kale neper kala. Nuk me habit aspak fakti qe ai perserit krimin, sepse ka damare krimineli. “Ne vendin dhe kohen e gabuar”…e mori Zoti, se ashtu eshte shkruar…thuhet. RIP!!!
O shkodran, ka nderruar emer e mbiemer. Mbi gjysma e Shqiperise tjeter jane ne lagje e tjeter ne gjendej civile. Ata cunat e Londres, dmth cunat e barit, miellit dhe xixellonjave kane rigorozisht nga dy-tre(kater identitete. Sir do benin ndryshe miliona ata qe punonin ne gjendjen civile apo zyrat e pasaportave. Magazine pa inventar, boll te bejne leke.