Një trup i pajetë me një plumb në kokë është gjetur në Kaltenkirchen të Gjermanisë dhe autor i kësaj ngjarje dyshohet një i mitur shqiptar.
Mediat e huaja shkruajnë se policët gjermanë gjetën mëngjesin e së shtunës një person të pajetë pranë parkingut. Menjëherë policia është vënë në kërkim të autorit. Një ditë pas ngjarjes 17-vjeçari shqiptar i shoqëruar nga avokati i tij është dorëzuar në polici, duke rrëfyer se kishte qëlluar me armë një person.
Gjykata e Qarkut Itzehoe arrestoi 17-vjeçarin pasi akuzohet për vrasje, ndërsa “BILD” shkruan se shqiptari dhe viktima kanë pasur një mosmarrëveshje për pazaret e drogës.
p.c. / dita
