Një tjetër person është gjetur i pajetë në Ravena të Italisë, një nga zonat e prekura nga përmbytjet masive, duke shënuar 4 viktima.
Mediat italiane raportojnë se viktima, identiteti i të cilit nuk bëhet ende me dije është gjetur brenda një makine të përmbytur në zonën mes Solarolo dhe Castel Bolognese në Ravena. Lajmin e ka bërë të ditur prefekti i kësaj zone, Castrese De Rosa.
“Trupi nuk është gjetur ende pasi makina është zhytur plotësisht në ujë”, shpjegon prefekti.
Zona e Ravenës dhe provinca e saj është ndër më të prekurat nga moti i keq që ka nisur që prej ditës së djeshme në rajon.
Operacionet e kërkimit nga emergjencat civile për 4 personat e zhdukur vazhon. Ndërkohë 5 mijë banorë në Romagna janë evakuuar nga banesat e tyre të cilat janë mbuluar nga uji. Viktima një grua është gjetur në plazhin Cesenatico. Nga mbrëmja e djeshme deri në orët e para të mëngjesit të sotëm janë përmbytur 14 lumenj në Emilia-Romagna.
Italia prej disa ditësh është përfshirë nga moti i keq, reshje të denduar shiu të cilat kanë shkaktuar përmbytje masive në disa zona.
Deri më tani 3 persona kanë humbur jetën dhe 4 të tjerë janë zhdukur në Romagna, një nga zonat më të prekura nga moti i keq. Në këtë zonë janë raportuar gjithashtu rrëshqitje masive të dheut.
Viktimat janë një burrë i moshuar që jetonte në Forlì pranë lumit Montone, i cili u mbyt në katin e parë të shtëpisë së tij, një burrë 70-vjeçar nga Ronta di Cesena dhe një grua, mosha dhe identiteti i të cilës nuk bëhet ende me dije dhe mësohet se është gjetur në plazhin Cesenatico.
Bashkia e Bolonjës bën të ditur se sistemi rrugor është i rrezikuar në shumë zona të qytetit metropolitane. Autoritetet kanë urdhëruar mbylljen e disa shkollave deri në një njoftim të dytë për neutralizimin e kushteve atmosferike. Po ashtu janë ndaluar lundrimet dhe udhëtimet me tren.
j.l./ dita
