Dy minuta para katastrofës së Romës, gjestet e polemikut të pankinës, kontraversit të përjetshëm portugez, acaruan këdo. Një kapje me stafin e Sevilla që për pak nuk përfundoi në kacafytje skandaloze. E pas humbjes nga 11-metërshat të trofeut, furtuna shpërtheu; Flaku medaljen e nënkampionit, duke e hedhur drejt tifozëve si gjest dëshpërimi dhe inati, akuzoi fortë në konferencë arbitrat si “spanjollë”, për disa nga vendimet që pretendoi se i hoqën trofeun e Europa League Romës dhe më pas u zuri pritë gjyqtarëve në parking. Me fjalët: E turpshme! E ndyrë! apo “Padrejtësi!”, mori fund nata e mallkuar italiane e së mërkurës dhe reagimet erdhën nga të gjitha drejtimet.
Dhe ai ishte “i keqi Murinjo”. Jose e përjetoi në këtë mënyrë disfatën e parë në një finale europiane. E kujt i pëlqen të humbasë apo ta thërrasin humbës?! Roma e tij u mposht në Budapest nga Sevilla nga penalltitë (1-1 koha e rregullt), dhe mes shumë pengjeve që lidhen me gjykimin e një dueli që dukej sikur nuk do të përfundonte kurrë.
Goditjet nga pika e bardhë u buzëqeshën spanjollëve, njëkohësisht rekordmenët e Europa League me shtatë suksese. “Arbitri dukej spanjoll. Lamela duhej ndëshkuar me kartonin e dytë të verdhë, ndërkohë që ai ishte një nga goditësit e penalltive”, deklaroi Mourinho për Sky pas ndeshjes.
Fjalë pa filtra, teksa trajneri portugez u shfaq i tërbuar më vonë në parkingun e stadiumit. Kundrejt arbitrit anglez Anthony Tyler dhe ndihmësve të tij. Të cilëve iu drejtua me këto fjalë. ”Ky është një turp i madh, padrejtësi! Edhe Rosetti e pranoi se nuk ishte penallti, ndërkohë që ti nuk pate guximin (duke iu referuar penalltisë së dhënë për Sevilla. Më pas e hequr nga shikimi i pamjeve në VAR).
Shkofsh në djall! UEFA e ndyrë, UEFA e ndyrë”, shpërtheu trajneri portugez i Romës. Video e zemërimit të tij është kthyer virale dhe Mourinho rrezikon një dënim nga qeveria europiane e futbollit.
