Një lajm i trishtë ka ardhur nga familja e deputetes Elda Hoti. Bashkëshorti i saj, Ladi Ndoja, është ndarë nga jeta në moshën 46-vjeçare.
Përmes një postimi në rrjetet sociale, Hoti i ka dhënë lamtumirën partnerit të jetës.
“U prehsh në paqe, i miri i zemrës time! Ladi im, shpirti im. Do na mungosh gjithë jetën”, shkruan deputetja.
Ndërkohë, edhe vëllai i të ndjerit, Aleksandër Ndoja, njoftoi se 46-vjeçari u nda papritur nga jeta si pasojë e një ataku kardiak.
Në postimin e tij ai shprehet se ikja e vëllait në këtë moshë la një goditje të rëndë dhe të papritur për familjen.
“Me dhimbje të thellë njoftojmë se vëllai ynë i dashur, Ladi Ndoja, u nda papritur nga jeta në moshën vetëm 46-vjeçare, si pasojë e një ataku kardiak. Një goditje e rëndë dhe e papritur për familjen tonë, që na ka lënë pa fjalë dhe me një dhimbje të pamasë.
Ladi la pas bashkëshorten e tij të dashur Elda Hoti dhe dy fëmijët e vegjël, të cilëve u mungon tashmë shtylla e familjes së tyre. Në këto çaste të vështira, kërkojmë mirëkuptimin e të gjithë miqve, të afërmve dhe dashamirësve, ndërsa përpiqemi të përballojmë këtë humbje të rëndë. U prehsh në paqe, i dashur Ladi! Kujtimi yt do të mbetet përherë në zemrat tona”, shkruan ai.
Ngushëllimet më të ndjera . Kaq i ri ! Shumë keqardhje.
Si ka mundesi, atak kaq i ri, strese plot ne shpi, se nuk ka munsi! Ngushllime familjes, te afermve, miqve e dashamirve!
ngushellime te sinqerta familjes.
u prehte ne paqe!
Ngushellime zonjushes Elda Berisha!