Kryeministri i vendit Edi Rama ka shpërndarë një mesazh ngushëllimi në rrjetet sociale pas ndarjes nga jeta së ish-kryeministrit të Kosovës Bujar Bukoshi.
“U prehsh në paqe. Ngushëllimet më të ndjera familjes dhe Kosovës për humbjen e një shqiptari të mirë, politikani të rafinuar e njeriu të ndjeshëm si Bujar Bukoshi”, shkruan Rama.
Ish-kryeministri në ekzil i Kosovës, Bujar Bukoshi ndërroi jetë sot në moshën 78 vjeçare. Bukoshi vuante nga një sëmundje e rëndë shëndetësore.
Ai lindi lindur më 13 maj 1947 në Suharekë, ndërsa u diplomua në Fakultetin e Mjekësisë të Universitetit të Beogradit. Pas kthimit në Kosovë, punoi si mjek në Suharekë.
Bukoshi ishte një nga themeluesit e Lidhjes Demokratike të Kosovës, ndërsa ishte edhe zëvendëskryeministër i Kosovës në kabinetin e dytë Thaçi nga viti 2011 deri në vitin 2014.
Po ashtu ai ka qenë kryeministër i Qeverisë së Përkohshme të Kosovës në ekzil nga viti 1991 deri në vitin 2000.
i.b./dita
