Grindje gjatë fushatës, përplasje dhe në komisione numërimi mes “Rithemelimit” dhe PD-së zyrtare. Në Tiranë ka nisur procesi i numërimit të votave, ndërkohë që në KZAZ nr. 38 ka pasur një konflikt mes përfaqësuesve të dy palëve në PD. Vëzhgues të Partisë Demokratike që mbrojnë votat për Roland Bejkon, kanë kundërshtuar mënyrën e numërimit nga ana e përfaqësuesve të Berisha-Meta në grupet e numërimit. Kjo bëri që të ndërpritej procesi në një moment.
