Një 38-vjeçar ka rënë në pranga, pasi në vitin 2021, kur ka qenë punonjës në Prokurorinë e Kukësit ka ndikuar për të lehtësuar një masë sigurie. Arjan Cengu në vitin 2021 punonte si shofer në Prokurorinë e Kukësit dhe ka ndërhyrë për të liruar nëj të burgosur. Tani ai ushtronte profesionin e avokatit. Bëhet me dije se ai ka ndikuar në lirimin e një polici kufitar, të akuzuar për shpërdorim detyre, me inicialet F.I.
Ndalimi i këtij shtetasi, rezultat i bashkëpunimit ndërmjet Drejtorisë së Forcës së Posaçme Operacionale, në DPPSH, dhe Drejtorisë Vendore të Policisë Kukës.
Shërbimet e Policisë, në zbatim të urdhrit të prokurorit të Prokurorisë së Posaçme kundër Korrupsionit dhe Krimit të Organizuar, ndaluan në Kukës dhe vunë në pranga shtetasin A. C., 38 vjeç, banues në Kukës.
Ndaj 38-vjeçarit është caktuar masa e sigurisë “Arrest në burg”, për veprën penale “Ushtrimi i ndikimit të paligjshëm ndaj personave që ushtrojnë funksione publike”, pasi dyshohet se më datë 05.03.2021, kohë kur shtetasi A. C. ka qenë punonjës në Prokurorinë e Kukësit, ka ushtruar ndikim të paligjshëm, për të lehtësuar masën e sigurisë, të caktuar ndaj shtetasit F. I.
Materialet procedurale i kaluan Prokurorisë së Posaçme kundër Korrupsionit dhe Krimit të Organizuar, për veprime të mëtejshme”, thuhet në njoftim.
