Operacioni për kapjen e të shumëkërkuarit Talo Çela në Elbasan, nuk u mbyll vetëm me dështimin për gjetjen e tij, por edhe me humbjen e një sasie të konsiderueshme parash. Report Tv mëson se disa orë para se policia të ndërhynte në shtëpinë e 60-vjeçarit Aqif Bezati, janë marrë dhe fshehur më shumë se 100 mijë euro.
Këto para dyshohet se u morën dhe u larguan nga një punonjës policie, identiteti i të cilit nuk bëhet me dije. Polici për të cilin Agjencia e Mbikqyrjes Policore ka nisur hetimet, ishte në dijeni të operacionit dhe veproi para se të finalizohej ai. Nuk dihet nëse polici ka marrë paratë për vetë apo I ka fheshur për llogari të pronarit Aqif Bezati I cili u la në burg
Në shtëpinë e tij në fshatin Dëshran të Belshit u gjet një arsenal armësh, nga pistoletat deri tek granatat e municionet. Gjykata la në “arrest shtëpie” Veli Deliun, shok me Aqif Bezatin, i akuzuar për mbajtje pa leje të armëve të gjuetisë dhe ato sportive.
Bezati dyshohet si një nga personat që i siguronte bazë strehimi, Talo Çelës I cili prej vitesh ndodhet në kërkim si autor i dyshuar në disa ngjarje kriminale në Elbasan, Durrës dhe Tiranë.
Emri i të shumëkërkuarit doli edhe në dosjen voluminoze “Plumbi i Artë”, të përmendur nga bashkëpunëtori i drejtësisë, Nuredin Dumani, i cili rrëfeu krime që ka kryer edhe në bashkëpunim me Talo Çelën, miqësia e të cilëve u thye pas konflikteve për ndarjen e 4.3 milionë eurove të grabitura në Rinas në prill të vitit 2019. Talo Çelës, iu ekzekutua brenda një lokali vëllai Bujari, në 17 shtator 2020.
Hajdeni trimat e Belshit, po futeni te jetoni neper kotece pulash.
Behuni burra, me mire dorezohuni, se qelite e burgut jane me te mira se kotecet qe fshiheni.
Çdo me thënë një polic mori lekët.
Thoni që shtetasi x.y. ka marrë lekët ose dyshohet.
Nuk më duket e drejtë të thoni një futbollist shiti neshjen.
Flm shtypit profesional për lajme të tilla.
Po polici e di operacionin,nuk e di qytetari.Pse nuk e ka marre vesh,qe gjysma policeve marrin rroge edhe ne shtet,edhe nga Mafia.