Ditën e enjte do të zhvillohet seancë e posaçme në parlamentin serb, ku do të diskutohet për Kosovën.
Sipas mediave serbe, deputetëve do t’iu prezantohet një raport për procesin e negociatave me Kosovën nga 1 shtatori 2022 deri më 15 janar 2023.
Raporti është dërguar në Parlament nga Qeveria serbe.
Por, në këtë raport nuk përmendet propozimi franko-gjerman.
Presidenti serb Aleksandar Vuçiç, thotë se se nuk beson se parlamenti do ta miratojë raportin për negociatat e zhvilluara deri më tani me Kosovën.
“Është e natyrshme që njerëzit të mos pajtohen, por jo që ne të mos pajtohemi sepse ju nuk e dini se çfarë do të ndodhë nesër, kur nuk mund të flisni vetëm për letra dhe dokumente, por po ashtu edhe për rrethanat”, tha presidenti serb.
Në lidhje me miratimin e tij, Vuçiç përsëriti se nuk ka nënshkruar asnjë dokument të planit franko-gjerman.
