Nëna e 22-vjeçares keniane Joy Aoko, që vdiq pas më shumë se 6 muajsh gjendjeje spitalore në koma, teksa u gjet pa ndjenja dhe e masakruar poshtë ballkonit të banesës së saj në Tiranë, në muajin gusht 2022, apelon për drejtësi nga autoritetet shqiptare. “Dua drejtësi për Joyn”, tha Ruth Abongo në emisionin “Pa gjurmë”, teksa ngjarja e veshur në mister të plotë, edhe pse ka si të dyshuar shoferin e kazinosë ku punonte e ndjera, mbetet e pazbardhur. Abongo tregon se ndonëse kanë kaluar muaj nga momenti kur e bija Joy Aoko ka përfunduar në spital në gjendje të rëndë për jetën, nuk ka marrë asnjë informacion nga autoritetet shqiptare mbi ecurinë e hetimeve. E vetmja gjë që i është thënë, është se “policia po vepron”.
Intervista me Ruth Abongo:
Gazetari: Si je?
Ruth Abongo: Jam mirë!
Gazetari: Si është e gjithë familja pas vdekjes së Joy-t? E keni marrë veten?
Ruth Abongo: Po, jemi më mirë!
Gazetari: Më vjen mirë që e dëgjoj. Të telefonova sepse është e rëndësishme për investigimin. Pas vdekjes së Joy-t a ke folur në telefon me shoqet e saj, Joy Brenda ose Emily-n?
Ruth Abongo: Nuk kam folur kurrë me Emily-n, nuk më ka kontaktuar, Joy Brenda më shprehu ngushëllimet, më telefonoi kur Joy vdiq.
Gazetari: Pas vdekjes së Joy-t ke marrë telefonata nga Shqipëria, apo jo?
Ruth Abongo: Jo!
Gazetari: Lidhur me investigimet, asnjë telefonatë?
Ruth Abongo: Jo, nuk më kanë telefonuar kurrë!
Gazetari: Po ambasadorët kenianë që erdhën të vizituan në spital?
Ruth Abongo: Nuk kam folur me ta.
Gazetari: Çfarë mendon, do vazhdosh të luftosh dhe të vazhdosh betejën për drejtësi për vajzën tënde?
Ruth Abongo: Unë dua drejtësi për Joy-n!
Gazetari: Do që të mësosh kush e bëri këtë?
Ruth Abongo: Po.
Gazetari: Në lidhje me çfarë ndodhi, ke mësuar ndonjë gjë të re?
Ruth Abongo: Më kanë thënë që policia po vepron…
Gazetari: A të kanë kontaktuar menaxherët e kazinosë?
Ruth Abongo: Jo!
Gazetari: Ke një mesazh për institucionet, për njerëzit, për këdo që ka informacion për këtë çështje?
Ruth Abongo: Jo, asgjë! Vetëm kam folur me avokatin e Joy-t.
Gazetari: Çfarë ju ka thënë?
Ruth Abongo: “Kur të jem gati do jua dërgoj”…
