Nënkryetari i Partisë së Lirisë, Endrit Braimllari është paraqitur ditën e sotme në SPAK.
Bëhet me dije se ai është pyetur në lidhje me çështjen e lobimit në SHBA, në cilësinë e Sekretarit të Përgjithshëm të LSI-së.
Ai është marrë në pyetje pas ardhjes së letërporosisë nga SHBA.
Theksojmë se në shtator të vitit të kaluar Prokuroria e Posaçme në kuadër te hetimit nisur ndaj Ilir Metës nisi një letërporosi në SHBA ku kërkoi të dhëna nga departamenti atje se ku janë regjistruar kompanitë e lobimit në Departamentin e Drejtësisë.
SPAK vuri nën hetim ish presidentin Meta, pas kallëzimit të ish-deputetit Halit Valteri i cili pretendon se për llogari të LSI, janë shpenzuar 700.000 dollarë por të padeklaruara për qëllime lobimi.
j.l./ dita
