Të gjithë e dimë se fluturimi është një mjet transporti në vetvete është goxha i shtrenjtë, në varësi të destinacioneve që ne zgjedhim.
Por, pavarësisht kësaj, koha pritjes në aeroport mund të shtojë edhe më shumë kostot tona të fluturimit, si shkak i tundimeve të shumta që na dalin përpara për të blerë, nga pijet, tek çokollatat, ilaçet, apo jastëkët e qafës.
Disa gjëra thjesht nuk ia vlen t’i blini:
Wi-Fi
Ashtu si shumica e njerëzve të sotëm, ju ndoshta jeni të varur nga përdorimi i internetit. Sidoqoftë, thuaj JO pagesës për Wi-Fi në aeroport. Kjo pasi Wi-Fi i aeroportit është i ngadaltë dhe mund të jetë jashtëzakonisht i shtrenjtë. Pra, në vend që të kontrolloni telefonin tuaj, mendoni të lexoni ose të uleni të qetë.
Pajisjet elektronike
Jeni tunduar për të blerë një karikues apo kufje të reja? Mendohuni përsëri!
Pajisjet elektronike të blera në aeroport do t’ju kushtojnë dukshëm shumë më tepër, sesa jashtë aeroportit. Në disa aeroporte, pajisjet elektronike janë rreth 34% më të shtrenjta.
Suvenire
Mos e lini blerjen e suvenireve në aeroport. Ata dihet se aty kanë çmime shumë më të larta. Planifikoni përpara dhe merrni suveniret tuaja në destinacion.
Këmbimi i monedhave
Mos i ndërroni paratë tuaja në aeroport. Udhëtarët e papërgatitur ngarkohen me tarifa të larta. Kudo, jashtë aeroportit, do të keni një kurs këmbimi shumë më të mirë.
Pije alkoolike
Shumë njerëz ndalen në Duty Free për shkak të keqkuptimit të zakonshëm se ata do të kursejnë nga taksat. Realiteti është se uljet e vogla tatimore nuk kompensojnë çmimet e kripura, veçanërisht kur bëhet fjalë për alkoolin
Jastëkët e qafës
Nëse jeni duke shkuar në një fluturim të gjatë, sigurohuni që të blini jastëkun tuaj të qafës përpara udhëtimit tuaj. Ato në aeroport janë me cilësi më të ulët dhe me çmime më të larta, plus mund të jenë prekur nga shumë udhëtarë që ecin nëpër aeroport.
Medikamentet
Çfarëdo medikamenti që mendoni se mund t’ju nevojiten për udhëtimin tuaj, mos i blini ato në aeroport. Përpiquni të planifikoni përpara dhe të keni atë që ju nevojitet në dorë në bagazhin tuaj.
p.k\dita
