Nesër më 3 qershor do të zhvillohet provimi i parë i Maturës Shtetërore. Provimi i parë që do të testohen maturiantët në vend është ai i Gjuhës së Huaj. Ministrja e Arsimit dhe Sportit, Ogerta Manastirliu përmes një postimi në “Facebook” ka publikuar në faqen e saj rregullat që duhet të ketë në konsideratë çdo maturantë para dhe gjatë zhvillimit të testimeve të Maturës Shtetërore.
Manastirliu shkruan se maturantët duhet të paraqiten në orën 08:30 ndërsa shton se provimi nis në orën 10:00. Ajo ka theksuar se provimi përfundon në orën 12:30 dhe se maturantët nuk mund të dalin nga provimi para kësaj ore. Ministrja ka shpalosur disa rregulla ndër të cilat është edhe ajo që nuk duhet të përdoren stilolapsa më ngjyra të ndryshme.
“Nesër nis Matura Shtetërore 2025, me provimin e Gjuhës së Huaj. Disa rregulla për t’u patur parasysh nga çdo maturant Suksese të gjithëve!”, shkruan Ministrja Manastirliu.
Rregullat Matura Shtetërore 2025:
Ora 8:30 – Paraqituni në ambientet e shkollës
Provimi nis në 10:00 dhe përfundon në 12:30.
Çfarë duhet të keni me vete:
Mjet identifikimi (kartë ID ose pasaportë).
2 stilolapsa, vizore e vogël, makinë llogaritëse e thjeshtë.
Veshje e rregullt
Uniforma e shkollës.
Në mungesë të uniformës, bluzë + xhinse
Shishe me ujë.
Ushqehuni mirë në mëngjes në shtëpi
Ndalohen rreptësisht:
Telefonat
Ora smart
Rregulla gjatë provimit:
Përdorni stilolaps me një ngjyrë dhe kurrë më shumë se një ngjyrë në plotësimin e testit
Firmosni kur merrni dhe dorëzoni testin.
Kontrolloni testin për pasaktësi ose paqartësi në lexim.
Nuk lejohet largimi para 12:30.
Sjellje korrekte dhe vëmendje gjatë testit.
j.l./ dita
