Dy turistë të huaj kishin mbetur të bllokuar në malin e Jezercës. Teksa kanë qenë duke ngjitur malin e e thepisur, vizitorët e apasionuar pas alpinizmit, për shkak të motit të keq janë bllokuar në lartësinë e 2500 metrave.
Në ndihmë të tyre kanë shkuar efektivët e kërkim shpëtimit, që kanë organizuar me helikopter operacionin e shpëtimit. Foto e helikopterit që u përdor për operacionin e kërkim-shpëtimit u nda nga ministri i Mbrojtjes Niko Peleshi. Të dy turistët janë në gjendje të mirë shëndetësore.
